Paloka: E pranuam Alibeajn për të mos përçarë PD-në

Komisioni i Rithemelimit e ka pranuar Enkelejd Alibeajn si kryetar të Grupit Parlamentar të PD-së për të mos krijuar çarje të re brenda partisë.

Kështu u shpreh deputeti i PD-së Edi Paloka për mediat të martën. Ai tha për Alibeajn se nuk mund të jetë kryetar grupi pasi “është shkarkuar nga Kuvendi i 11 dhjetorit, njësoj si të gjithë strukturat e tjera”.

“Në statutin e PD-së është e qartë se vendi i kryetarit shkon paralel me atë të nënkryetarin që është Alibeaj”, u shpreh Alibeaj.

Paloka tha se Komisioni i Rithemelimit do të funksionojë deri në ditën kur do të zhvillohet Kuvendi Kombëtar i PD-së.

Partinë Demokratike e drejton Komisioni i Rithemelimit, pasi e ka ngarkuar Kuvendi i 11 dhjetorit me të gjitha kompetencat që ka ky komision për të marrë vendimet në funksion të PD-së.

Për mbledhjen e sotme të Grupit Parlamentar të PD-së, ai tha se “është një mbledhje e grupit që orientohet nga axhenda e kongresit të Partisë Socialiste”, që u zhvillua të mërkurën.

LEXONI GJITHASHTU:

• Mblidhet Grupi Parlamentar i PD-së, Berisha i pranishëm