Kanë nisur hetimet për incidentin që ndodhi këtë të  martë pak metra poshtë selisë së PD-së ku kreu i Partisë Demokratike Sali Berisha.

Autoritetet kanë rrethuar vendin që ka ndodhur ngjarja, ndërsa ekspertët po kryejnë ekzaminimet.

Ishte Gerti Shehu, 31-vjeç i cili sulmoi Berishën teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë.

31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së.

31-vjeçari u shoqërua nga policia dhe ndërkohë po merr mjekim në spitalin e Traumës.

Ndërkohë incidenti që ndodhi nuk ka penguar zhvillimin e protestës, ku dhe vetë Berisha edhe pse me plagë të lehta është ngjitur në podium dhe ka mbajtur fjalimin e tij.

Goditja që iu bë Berishës ka sjellë reagime të shumta.

LEXONI GJITHASHTU: 

• Sulmi ndaj Berishës, gazetari Hoxha: Deputetët e PD-së u tronditën
• “Skizofren, orkestrove sulmin”, Meta akuza Ramës: Koha për të vepruar
• Marrëveshja për roaming, Varhelyi: Do jetë përfitim për qytetarët e bizneset