Euronews Albania ka siguruar pamje të reja të atentatit ndaj Klaudio Prendit disa ditë më parë në Tiranë.
Në pamjet video shihet 28-vjeçari i cili bëhet shosh me plumba brenda pak sekondave sapo hipën në automjetin e tij.
Autorët i janë afruar paralel me një automjet tip Audi, i cili pas ngjarjes u gjet i djegur në zonën e Farkës, dhe kanë qëlluar ndaj të riut sapo hipi në automjetin G Class.
Klaudio Prendi u vra në një atentat mafioz në orët e para të mëngjesit të së martës në zonën e Porcelanit në Tiranë, sapo doli nga një lokal dhe hyri në automjetin e tij.
I ati i 28-vjeçarit, ish-gjyqtari Fran Prendi i pyetur nga oficerët e policisë gjyqësore për ekzekutimin e të birit është shprehur se nuk kishte dijeni për konfliktet e 27-vjeçarit apo dyshime të tjera
Sipas hetimeve ka rezultuar se i riu ka pasur një konflikt disa ditë më parë me disa persona për çështje borxhi.
LEXONI GJITHASHTU:
- U ekzekutua me armë me silenciator, detaje nga atentati ndaj 28-vjeçarit në Tiranë
- Atentati në Tiranë, ndërron jetë në spital 52-vjeçari
