Pamjet e atentatit në Shkozet, momenti kur shpërthen në lëvizje automjeti i Mustafës

Euronews Albania ka mundur të sigurojë pamjet e atentatit në Shkozet, ku është fiksuar nga kamerat e sigurisë të bizneseve nnë zonë momenti kur mjeti i Aldi Mustafës shpërthen në lëvizje.

Makinës të cilës i është vendosur eksploziv është një Golf 5 me ngjyrë të zezë. Eksplozivi është vendosur në gomën e pasme të mjetit dhe ka shpërthyer në momentin që makina ka qenë në lëvizje.

Nga informacionet e para bëhet me dije se nga ngjarja nuk ka persona të lënduar.

Aldi Mustafa, 37 vjeç, banues në Durrës, i dënuar më parë për veprat penale “Kanosja” dhe “Prodhimi dhe shitja e narkotikëve”, i dënuar më parë me 10 vite burg, në Gjermani, nuk është një emër i panjohur për policinë.

Mësohet se Mustafa është shok i Aleksandër Lahos, ose ndryshe Pëllumb Muharremit, i njohur si ‘Rrumi i Shijakut’, i cili i shpëtoi atentatit që iu bë makinës së ish-prokurorit Arjan Ndoja.

Në gusht të vitit 2021 Mustafa u arrestua në Durrës së bashku me dy shtetas të tjerë pasi dyshohej se do kryenin një vrasje kundrejt pagesës.

LEXO GJITHASHTU:

• Atentat me eksploziv në Shkozet, shpërthen një automjet
• Mik i Rrumit të Shijakut, kush ishte objektivi i atentatit me eksploziv në Shkozet