Pamjet pak para vrasjes, shqiptarja duke ecur dorë për dore me burrin që e ekzekutoi

Një video e publikuar nga mediat greke tregon 41-vjeçaren shqiptare Georgia Murati duke ecur me partnerin i cili akuzohet për vrasjen e saj, vetëm pak minuta para se të vdiste në mënyrë tragjike me tre plagë me thikë në qafë.

Në videon e regjistruar nga kamerat e sigurisë së dyqaneve natën e ndërrimit të viteve, 41-vjeçarja shtatzënë shihet e shkujdesur duke ecur së bashku me partnerin e saj, duke mbajtur në duar çanta pazari, në rrugën Ethnikis Antistaseos, pak metra larg shtëpisë ku jetonte çifti.

Akrepat e orës tregojnë rreth dhjetë minuta para orës 23 dhe sipas informacioneve çifti po kthehej me taksi në banesën e tyre, pasi 39-vjeçari i akuzuar ka shkuar për të marrë gruan fatkeqe nga puna. Ironi tragjike që gruaja po ecte në trotuar duke mbajtur për dore partnerin e saj, pa e ditur se do të vdiste rreth një orë më vonë e vrarë nga duart e tij.

Sipas informacioneve, pamjet nga kamerat e sigurisë së një dyqani të ndryshëm në zonë tregojnë momentin kur 39-vjeçari mban trupin e 41-vjeçarit brenda një valixheje së bashku me një 34-vjeçar, bashkëpunëtor që pranoi pjesëmarrjen në vrasje.

41-vjeçarja shtatzënë u ekzekutua natën e ndërrimit të viteve nga bashkëshorti i saj grek, i ndihmuar dhe nga një miku i tij.

LEXONI GJITHASHTU:

• Shtatzëna gjendet e vdekur brenda bagazhit, partneri tentoi të zhdukte gjurmët
• Vrau vëllanë me gërshërë për një bluzë, zbardhet dëshmia e 18-vjeçarit në Greqi