Pampuri: Nuk mund t’ia delegojmë përgjegjësinë e humbjeve vetëm Bashës

Deputetja e Partisë Demokratike Oriola Pampuri tha gjatë emisionit Now në Euronews Albania se nuk mund t’i delegohet kryetarit të PD, Lulzim Basha e gjithë përgjegjësia e humbjeve në zgjedhje. Sipas saj, një forcë politike është qarkullim elitash dhe si e tillë përbëhet nga kontributi i të gjithëve.

Znj. Pampuri tha se sigla e PD u përdor në mënyrë ilegjitime në kuvendin e 11 dhjetorit, pasi atë e përdor vetëm Basha, si kryetar i PD.

“Nga data 9 shtator kam preferuar të qëndroj në siglën zyrtare të PD dhe ajo sigël është përdorur në mënyrë ilegjitime nga kuvendi i 11 shatorit. Atë sigël sipas statutit e ka kryetari i partisë”, tha znj. Pampuri.

Sipas saj, kuvendi i 11 shtatorit pati mungesë të theksuar transparence që nga moslejimi i kamerave brenda stadiumit ku u mbajt deri tek mungesa e emrave të delegatëve që ishin të pranishëm.

Pompuri shtoi më tej se partitë politike kanë nevojë për qarkullim elitash.

Ajo tha se e ka mbështetur Sali Berishën, por sipas saj ka ardhur momenti që elitat të rinovohen.

“Sali Berisha dhe mbështetësit e tij janë persona me të cilët kemi pasur shpresën, por çdo parti, e majtë e djathtë, ka nevojë për qarkullim elitash”, u shpreh Pompuri.