Panariti: Në samit mungoi strategjia e zgjerimit

Ish-ministri i Jashtëm, Edmond Panariti komentoi në një intervistë për Euronews Albania punimet e samitit të 6 dhjetorit.

Ai tha se pavarësisht se perspektiva e rajonit për t’u integruar në BE u shpalos qartë, nuk pati një agjendë kohore të saktë.

“Ende nuk pati një plan strategjik sepse ndoshta ishte momenti për t’u vepruar siç u veprua dikur me bllokun lindor, ju kujtohet në vitin 2004 kur prevaluan arsyet strategjike, dhe në atë kohë për t’u shkëputur nga sfera e influencës ruse u kapërcyen disa kritere teknike dhe prevaloi si të thuash kriteri politik dhe gjeostrategjik sepse qëllimi ishte që Rumania dhe Bullgaria të shkëputeshin nga influenca ruse dhe ata u pranuan në union edhe pa plotësuar standardet dhe kriteret,” – u shpreh Panariti.

Dje në Tiranë u mbajt samiti mes liderëve të Bashkimit Europian dhe atyre të Ballkanit Perëndimor në Tiranë. Paralelisht u mbajt dhe protesta e opozitës, e shënjuar nga një incident, ku Gert Shehu, një 31-vjeçar goditi me grusht në fytyrë Sali Berishën.

LEXONI GJITHASHTU:

• Yuri Kim takon Bajram Begajn, diskutime për samitin dhe arritjet si aleatë të NATO-s
• Samiti në Tiranë, Ngjela: Hap vendimtar drejt Perëndimit