Pandemia Covid-19 prek “Shtëpinë e Foshnjës” në Vlorë

Pas përgjigjes pozitive të tamponëve për stafin e “Shtëpisë së Foshnjës” në qytetin e Vlorës, Inspektorati Shtetëror Shëndetësor ka marrë vendimin për ta mbyllur këtë institucionin pjesërisht.

Drejtoresha e “Shtëpisë së foshnjës” në Vlorë ,Oliana Saliu konfirmon se gjendja shëndetësore e fëmijëve është e mirë dhe aktualisht është zgjedhur metoda për të karantinuar në banesë punonjëset dhe për të karantinuar në institucion fëmijët, të cilët kanë rezultuar pozitivë.

“Aktualisht në Shtëpinë e Foshnjës ndodhen 6 punonjëse të karantinuara prej një jave. Janë kryer në datën 1dhjetor analizat dhe kanë rezultuar negative dhe vendosëm që të ishin në karantine deri në momentin e stabilitetit të situatës në të cilën ndodhemi. 21 fëmijë ndodhen të karantinuar në Shtëpinë e Foshnjës. Sa i përket rasteve të konfirmuar pozitive te fëmijët momenatlisht ana shëndetësore e fëmijëve paraqitet e mirë, fëmijët janë nën monitorim të vazhdueshëm nga doktori i qendrës , situata paraqitet e qetë”, tha ajo.

Ajo i tha Euronews Albania se sapo janë konfirmuar punonjësit e parë me Covid-19, ka nisur menjëherë procesi i dezinfektimit të ambienteve, me qëllimin kryesor izolimin e përhapjes së virusit Covid-19.

“Në momentin e parë kur punonjëset kanë rezultuar pozitivë, janë marrë të gjitha masat nga ana institucionit përsa i përket protokollit të parashikuar si dizinfektimi i menjëhershëm i godinës”, shtoi ajo.