Pandemia e Covid-19, tre humbje jete në 24 orët e fundit në Shqipëri

Ministria e Shëndetësisë dhe e Mbrojtjes Sociale raporton se në 24 orët e fundit kanë humbur jetën tre persona të infektuar me Covid-19, ndërsa janë evidentuar 655 të infektuar të rinj.

Aktualisht në katër spitalet Covid po trajtohen 273 pacientë, 28 në terapi intensive nga të cilët 6 pacientë janë të intubuar.

Ministria thekson se janë shëruar edhe  356 qytetarë, duke e çuar numrin e të shëruarve 37,327, që nga fillimi i epidemisë.

Shpërndarja gjeografike e rasteve aktive sipas qarqeve:

Tiranë 14161

Fier 1779

Shkodër 1321

Durrës 1266

Lezhë 992

Vlorë 956

Korçë 899

Elbasan 890

Berat 789

Dibër 563

Gjirokastër 461

Kukës 396

Prej fillimit të pandemisë në Shqipëri janë raportuar gjithsej 1233 të vdekur, ndërsa rastet aktive mbeten të larta.Në buletinin ditor të MSH-së bëhet e ditur se rastet aktive në gjithë vendin kanë shkuar në 24 473.

Qarku më i prekur në Shqipëri është Tirana, e cila ka numrin më ta lartë të të vdekurve dhe rasteve të infektimit. Autoritetet shëndetësore kërkojnë nga qytetarët të zbatojnë masat, të respektojnë distancën dhe të mbajnë maskë.

Sipas tyre, këto masa janë të thjeshtë, por tepër të dobishme për të frenuar përhapjen e gjerë të virusit në popullatë.