Panik në Lisbonë, tërmeti 4.8 ballë trondit kryeqytetin e Portugalisë

Një tërmet me magnitudë 4.8 ballë të shkallës Rihter goditi Lisbonën të hënën, njoftoi Instituti Portugez i Detit dhe Atmosferës (IPMA).

Epiqendra e tërmetit u regjistrua rreth 14 kilometra nga Seixal, në rrethin e Setúbal, dhe u ndje në disa vende në Lisbonën e Madhe.

Tërmeti u regjistrua në orën 13:24 me orën lokale (2:24 pasdite CET), tha IPMA në një deklaratë. Sipas informacioneve të disponueshme për momentin, lëkundjet nuk kanë shkaktuar dëme materiale apo personale.

Tërmeti është ndjerë me intensitet maksimal në bashkitë Almada dhe Sesimbra.

Fillimisht u raportua se kishte matur 4.7 Rihter, magnituda e saj u korrigjua më vonë në 4.8 nga qendra të shumta sizmologjike, duke përfshirë Shërbimin Gjeologjik të Shteteve të Bashkuara (USGS).

Sipas USGS, epiqendra u regjistrua 3 kilometra nga Charneca da Caparica, në komunën Almada. Qendra Sizmologjike Euro-Mesdhetare gjithashtu raportoi magnitudën 4.8 ballë.

Nuk ka informacione për ndonjë lëkundje të mëvonshme pranë kryeqytetit portugez. Agjencia portugeze IPMA ka deklaruar se “nëse situata e kërkon këtë, njoftime të reja do të lëshohen” në kohën e duhur.

LEXONI GJITHASHTU:

• A do të ketë tërmete të reja në Santorini: Sizmologët grekë bëjnë parashikime 
• Monitorimi i medias/ AMA memorandum bashkëpunimi me Portugalinë