Papa pro martesave LGBT?! Imzot Dodaj: Zoti nuk bekon “lëmshin” por njeriun

Arqipeshkvi i Kishës Katolike për Tiranën dhe Durrësin Arjan Dodaj komentoi në emisionin GoodMorning Albanians në Euronews Albania mesazhin e Papa Françeskut për të rinjtë shqiptarë.

Ai tha se fjala e Papa Françeskut është gjithmonë një mesazh shprese për të rinjtë.

I pyetur lidhur me një koment të Papa Françeskut, që u pa si një lloj bekimi për martesat e të njëjtës gjini, imzot Dodaj tha se kjo deklaratë është keqpërkhyer.

“Martesa është lidhja natyrore mes burrit dhe gruas. Kështu që në kishën katolike Zoti bekon njeriun, mund të ndodhemi edhe në ujëra të zeza, në vështirësi por nuk do të thotë që Zoti heq dorë nga bekimi për ne. Zoti nuk bekon lëmshin, bekon njeriun. Ka qenë një keqpërkthim, kam lexuar deklaratën e Papës, ai bekon njeriun. Papa thotë nuk është problem të rrëzohesh, problem është të mos ngrihesh”, tha imzot Dodaj.