Paplekaj kërkon ‘transferim’, Ish-efektivi i akuzuar për vrasje i drejtohet GJL

Ish efektivi i forcave speciale Arbër Paplekaj, nën akuzë për vrasjen e Pjerin Xhuvanit kërkon të mos gjykohet nga gjykata e Elbasanit por nga një gjykatë tjetër. Kërkesa është depozituar në gjykatën e lartë.

I akuzuar për vrasje në rrethana të tjera cilësuese, Arbër Paplekaj duket se nuk ka besim për drejtësi tek gjykata e Elbasanit. Për këtë ish efektivi i RENEA-s i akuzuar për vrasjen e Pjerin Xhuvanit pak ditë para zgjedhjeve parlamentare të 2021-it, kërkon të gjykohet nga një gjykatë tjetër.

Në bazë të nenit 94 e vijues të kodit të procedurës penale ku është bazuar dhe kërkesa në gjykatën e lartë për transferimin e çështjes, shkaqet e përligjura janë kur siguria publike ose liria e vullnetit të personave që marrin pjesë në proces, cenohen nga situate të rënda lokale.

Paplekaj nuk e ka pranuar akuzën e vrasjes, ai ka dëshmuar se ka qëlluar në kushtet e një nevojë ekstreme për vetëmbrojtje.

Lidhur me kërkesën e transferimit të çështjes, gjykata e lartë ende nuk ka caktuar një datë për shqyrtim.

LEXONI GJITHASHTU:

• Gjykata e Elbasanit dërgon për gjykim çështjen ndaj Arbër Paplekajt
• Dështon seanca për Arbër Paplekajn, nuk ka kapacitete transporti
• Vrasja e Pjerin Xhuvanit, Apeli lë në burg ish-efektivin e RENEA, Arbër Paplekaj