“Papunësia në minimum historik”- Guvernatori: Sa u rritën pagat në sektorin privat

Guvernatori i Bankës së Shqipërisë, Gent Sejko, është shprehur se sipas të dhënave të INSTAT pagat në sektorin privat janë rritur me 11.6 %, ndërsa norma e papunësisë qëndroi në minimumet historike në nivelin 10.7 %.

Komentet Sejko i bëri në një deklaratë për mediat, ku tha se tregjet financiare në Shqipëri paraqiten të qeta dhe me qëndrueshmëri të normave të interesit e kursit të këmbimit.

“Sipas të dhënave të INSTAT punësimi në ekonomi u rrit me 0.6 % në tremujorin e katërt të 2023, pagat në sektorin privat u rritën me 11,6 %, ndërsa normat, ndërsa norma e papunësisë qëndroi në minimumet historike në nivelin e 10.7 %.

Tregjet financiare paraqiten të qeta, qëndrueshmëri e normave të interesin dhe kursit të këmbimit. Ky normalizim ka sjellë një rritje të përgjithshme të normave të interesit. Kujdesi që kemi treguar i ka lënë kushtet financiare në vend në kushte stimuluese. Kjo është pasqyruar në zgjerimin e kredisë për sektorin privat”, tha Sejko.

LEXONI GJITHASHTU:

• Shtrenjtohet ndërtimi/ Rriten kostot në sektor, u shpenzua për pagat dhe energjinë
• Rriten dyfish pagat dhe shpërblimet për deputetët, sa u shkojnë të ardhurat në muaj