“Paqja nuk bëhet me armë” – Papa mesazh të fortë për luftën në Gaza dhe Ukrainë

Papa Françesku ka bërë një apel të fortë për t’i dhënë fund luftërave në Gaza dhe Ukrainë.

“Paqja nuk bëhet me armë”, tha Papa në mesazhin e tij tradicional të Pashkëve në Vatikan.

Ai bëri thirrje për një armëpushim në luftimet midis Izraelit dhe Hamasit në Gaza – si dhe për lirimin e të gjithë pengjeve të mbajtura nga Hamasi.

Papa drejtonte ceremonitë në Vatikan. Në mbarë botën po zhvillohen festime për të shënuar festën më të rëndësishme në kalendarin e krishterë – Pashkët.

E diela e Pashkëve shënon ringjallen e Jezu Krishtit dhe kulmon me Javën e Shenjtë, që është pjesë e rëndësishme e kalendarit katolik që ndiqet nga 1.3 miliardë persona.

Gjatë një meshe Vatikan të premten, në një predikim 10-minutësh në italisht, Papa dënoi “muret e egoizmit dhe indiferencës” në botë.

LEXONI GJITHASHTU:

• Papa u lan këmbët grave të burgosura, ato shpërthejnë në lot
• Vigjilja e Pashkës katolike, Papa drejton meshën në Vatikan