Para të padeklaruara në këmbim të kriptomonedhave, në kërkim 48-vjeçari nga Kosova

Policia e Tiranës ka shpallur në kërkim administratorin e një subjekti që shërbente për këmbimin e parave duke i hedhur në portofola virtualë dhe anasjelltas. Gjithashtu ka nisur procedimi në gjendje të lirë një punëtor i këtij subjekti.

60 665 euro të përfituara nga kjo veprimtari e paligjshme janë sekuestruar si dhe dy llogari me kriptomonedha, me vlerë 135 000 euro.

“Shtetasi R. N., 48 vjeç, banues në Kosovë administronte një subjekt në të cilin kishte punësuar shtetasin R. B. 22 vjeç, banues në Tiranë. Klientët e këtij subjekti këmbenin para duke i hedhur në portofola virtualë dhe anasjelltas, të padeklaruara pranë organeve kompetente dhe që nuk gjurmohen për origjinën e tyre.  Gjatë operacionit u sekuestruan 60 665 euro të përfituara nga kjo veprimtari e paligjshme si dhe dy llogari me kriptomonedha, me vlerë 135 000 euro, 2 kompjuterë, 1 laptop, dhe një aparat celular”, bëri me dije policia.

LEXONI GJITHASHTU:

• “Mbreti i kriptovalutave” dënohet me 4 muaj burgim për pasaportë false
• Kërkohej nga FBI për mashtrime miliarda $, arrestohet “mbretëresha e kriptovalutës”