Paralajmërimi i Zelenskyt për luftë në Ballkan, Haradinaj: Zgjidhja për Kosovën

Kryetari i Aleancës për Ardhmërinë e Kosovës, Ramush Haradinaj, ka reaguar përmes një postimi në facebook në lidhje me situatën e sigurisë në Kosovë.

Ish-kryeministri kosovar ka deklaruar se dtesa për Kosovën në NATO dhe anëtarësimi i menjëhershëm i saj është çelësi që zgjidh çështjen e sigurisë.

Gjithashtu ai këshillo se KFOR, duhet ta angazhojë Forcën e Sigurisë së Kosovës në patrullime të përbashkëta

“Ftesa për Kosovën në NATO, anëtarësimi i menjëhershëm dhe i plotë është zgjidhja. KFOR ta angazhojë FSK-në në patrullime të përbashkëta dhe të bashkëpunojnë ngushtë me Policinë e Kosovës dhe Eulex-in. Të gjitha institucionet e sigurisë të bashkohen për të mos lejuar që situata të dalë jashtë kontrolli, si në aspektin politik, të sigurisë dhe në ekonomi.

Kujtojmë se reagimi i Haradinaj, vjen pas deklaratës së Zelenskyt të enjten se duhet një vëmendje më e shtuar në Ballkan, pasi sipas tij, ka informacione që Rusia po planifikon që ta nisë një luftë për ta larguar vëmendjen nga Ukraina.

LEXONI GJITHASHTU:

• Alarmi i Zelenskyt për luftë në Ballkan, Kearns: Kemi përgjegjësi historike
• Paralajmërimi i Zelenskyt për luftë në Ballkan, reagon Bashkimi Evropian