Paralajmërimi për bllokimin e aboneve në mars sjell kaos në pikat e shitjes

Ndonëse Shoqata dhe Unioni i Transportit Publik paralajmëruan se për muajin mars nuk mund të ofrohet shërbimi me abone, në pikat e shitjes se tyre, mëngjesin e një dite më parë qytetarët janë pajisur me bileta të pajtimit mujor.

Pasi u vunë në dijeni se abonetë po shiteshin edhe për muajin mars, qytetarët janë dyndur në radhë duke pritur me orë të tëra. Kaos u krijua në zonën e 9-katësheve në Tiranë.

Për shkak të radhëve, një qytetare pati probleme shëndetësore.

Unioni dhe Shoqata e Transportit Publik kane deklaruar se nuk kane mundësi financiare për të funksionuar normalisht, madje janë në kolaps.

Ata i kanë drejtuar disa kërkesa pushtetit qendror, si:  rimbursim të TVSH-së, heqjen e akcizës, të taksës së qarkullimit në karburant dhe rimbursim nga ministritë e linjës për kategoritë e qytetarëve që udhëtojnë falas.

LEXONI GJITHASHTU:

• Nuk do të ketë abone gjatë marsit, njofton Unioni i Transportit Publik
• Shoqata e Transportit Urban paralajmëron bllokim të shërbimit nga 1 marsi