Parashikimi i qytetarëve për zgjedhjet, cila parti do të fitojë sipas tyre?

Barometri Euronews Albania ka zhvilluar matjen e tretë zgjedhore në nivel vendi. Metodologjia e përdorur është sërish kampion rastësor i shtresëzuar dhe madhësia e kampionit ka qenë 1600 qytetarë të pyetur në gjithë territorin e Shqipërisë, ballë për ballë. Periudha kohore e mbledhjes së të dhënave për matjen e tretë zgjedhore të Barometrit Euronews Albania është 22 Mars-03 Prill 2025.

Pavarësisht se kë do të votoni ose jo, cila parti mendoni ju se do të fitojë zgjedhjet?

Kësaj pyetje qendrore politike për zgjedhjet, 57.7% e qytetarëve në Shqipëri parashikojnë se zgjedhjet do të fitohen nga PS. Ndërkohë 20.3% e të pyeturve parashikojnë se zgjedhjet do t’i fitojë Koalicioni i drejtuar nga PD, 6.7% parashikojnë se do t’i fitojë Koalicioni Nisma-Shqipëria Bëhet, 1.9% mendojnë se do t’i fitojë Partia Mundësia, ndërkohë 11.5% e qytetarëve kësaj pyetje i janë përgjigjur nuk e di.

LEXONI GJITHASHTU:

• Nëse zgjedhjet mbahen sot, për kë do votonin shqiptarët? Barometri matja e tretë 
• Barometri matja e tretë politike, Shkullaku: E shoh të sigurt PS