Parashikimi i rezultatit të zgjedhjeve për Durrësin, PD-PS në diferencë të ngushtë, pritet garë e fortë

Sondazhi i tretë në nivel qarku për Durrësin, i kompanisë MRB për Euronews Albania, tregon për një garë të fortë në zgjedhjet e 25 prillit ku diferenca mes partive kryesore do të jetë tejet e ngushtë.

Prirja e votës sipas sondazhit pritet të jetë:

• PS – 40.4%
• PD – 38.7%
• LSI – 5.5%
• Të tjera – 1.3%
• Nuk do të votoj – 3.7%
• Nuk e di – 8.5%
• Refuzoj – 1.9%

Krahasuar me dy sondazhet e shkuara, PD ka gëzuar rritje të mbështetjes nga 36.9% në 38.7% ndërsa PS ka pësuar tkurrje nga 43.3% në 40.4% dhe tashmë diferenca ka shkuar nga 6.4% në 1.7%.

Duke analizuar prirjen e votuesve dhe sjelljen e tyre me ato të zgjedhjeve të vitit 2017, kompania MRB parashikon që në qarkun e Durrësit mbështetja të ndahet në:

• PS – 47%
• PD – 45%
• LSI – 6.4%
• Të tjera – 1.6%

Me këtë përqindje parashikimi për mandatet do të ishte thuajse në ekuilibër:

• PS – 7 mandate
• PD – 6 mandate
• LSI – 1 mandat

  Parashikimi për Durrësin, PD me diferencë të ngushtë me PS-në, pritet garë e fortë by Euronews Balkans

Metodologjia

Sondazhi i tretë në nivel qarku për Durrësin u bë për Euronews Albania nga kompania prestigjioze MRB, e cila zhvilloi 660 intervista ballë për ballë në zonat urbane dhe rurale me persona me të drejtë vote (mbi 18 vjeç) nga 1 prilli deri më 15 prill.