Parashqevi në festivalin e RTSH-së, si e sheh Zhani Ciko rikthimin e saj

Zhani Ciko, dirigjenti i njohur është pyetur këtë të shtunë në emisionin “Review” në Euronews Albania për Parashqevi Simakun dhe rikthimin e saj në festivalin e sotëm të RTSH-së.

“Pak kohë mbas diskutimeve që u krijuan për Parashqevinë, unë mendoj që realiteti i një ndodhie të tillë do tregojë dhe më vonë se sa e vërtetë ka qenë kjo periudhë ku u përpoq të investigohet mbi zhdukjen e një artisteje të tillë.

Mungesa e saj kaq vite është e natyrshme që ka krijuar boshllëk deri rreziku i jetës së saj. Edhe njoftimet që vinin për të cilat kohai  vërtetoi disa dhe disa të tjera jo, sot e mbush vetë këtë boshllëk Parashqevia në festivalin e RTSH-së ku e sollën nga Amerika”, tha Ciko.

Ai gjithashtu u ndal në fillimet e diskutimeve për Parashqevinë teksa shfaqej në videot e publikuara në një fazë jo të mirë të jetës së saj në Amerikë.

“Nga këto diskutime jam shokuar nga pamjet që pamë në fillim. Më parë kishte shumë mistere dhe ishim mësuar me këtë gjë që mungon ky person, por kur e pamë në atë gjendje aty kupton që këtu ka një dramë të madhe. Shoh një humbje dëshire për jetën”, ka thënë dirigjenti Zhani Ciko.

LEXONI GJITHASHTU:

• Misteri i jetës së Parashqevi Simakut, letra shpjeguese e ish-bashkëshortit
• Manjani për Parashqevinë: Po nëpërkëmbet dinjiteti, kjo s’duhet të ndodh me askënd!