Paris| Sveçla në panairin e mbrojtjes: Kosova synon të zhvillojë ushtrinë e policinë

Ministri i Punëve të Brendshme në Qeverinë e Republikës së Kosovës, Xhelal Sveçla, ka akuzuar Beogradin se financon terrorizmin.

Nga panairi i industrisë se Mbrojtjes që po mbahet në Francë, Sveçla tha investimi në të ardhmen e vendit është domosdoshmëri.

Përmes një postimi në rrjetet sociale, ai tha gjithashtu se qeveria e Kosovës synon të avoancojë me zhvillimin e ushtrisë dhe policisë së vendit.

“Me ceremoni zyrtare ku ishte i pranishëm Ministri i Mbrojtjes së Francës Sébastien Lecornu, sot është hapur në Paris panairi më i madh i industrisë së mbrojtjes, sigurisë dhe teknologjisë. Do të vizitojmë për disa ditë panairin për të parë zhvillimin në këto fusha, me synimet për të avancuar ushtrinë dhe policinë tonë. Në këto kohë të rënda me shumë sfida për demokracinë e sigurinë gjithandej globit, e një qeveri si ajo e Serbisë që mbështet dhe financon terrorizmin, investimi në të ardhmen e sigurtë të vendit tonë është domosdoshmëri”, shkroi ai.

LEXONI GJITHASHTU:

• Policia e Kosovës konfiskon armë në veri, reagon Xhelal Sveçla
• Ndalimi i policëve nga Serbia, Sveçla: Sulm ndaj pjesëtarëve të komunitetit serb