Partia Demokratike kërkon të marrë pushtetin me dhunë, thotë Rama

Kryeministri Edi Rama thotë se Rusia financoi Partinë Demokratike, pasi kjo forcë politike ka si qëllim marrjen e pushtetit me dhunë.

Nga Erseka, Rama nënvizoi se PD-ja është financuar edhe më parë me para ruse, për të krijuar konflikt social në vend.

“Na doli nga raporti i CIA-s, që Partia Demokratike është financuar nga para ruse për të rrëzuar qeverinë tonë dhe për të fituar zgjedhjet. Por për çfarë duhet ta financojë Rusia Partinë Demokratike? Për arsye që janë të mirëkuptueshme.

Një gjë është e sigurt që ajo aleanca, është një aleancë rublash që synon të arrijë, aty ku u synua edhe më parë me financimin rus, në kriimin e një konflikti social, për të realizuar atë që ata nuk kanë ngurruar ta thonë asnjëherë, ndryshimin e pushtetit jo me votë, por me dhunë, me presion”, theksoi kreu i qeverisë.

LEXONI GJITHASHTU

• ‘Po kalojmë situatë jo të lehtë’, Rama: Putin synon të gjunjëzojë botën
• Ish-kryebashkiaku i Kavajës shpall kandidaturën për primaret në PD
• Gara për Tiranën brenda PD, në pritje për konfirmim Julian Deda dhe Ilir Alimehmeti