Partia e Salvinit do kërkojë heqjen e flamujve të BE-së para institucioneve italiane

Partia e ekstremit të djathtë të Italisë Liga njoftoi sot se do të kërkojë ndryshimin e ligjit për heqjen e flamurit të Bashkimit Evropian nga ndërtesat e institucioneve shtetërore.

Reuters raporton se presidenti i Ligës, Matteo Salvini, i cili është pjesë e koalicionit të kryeministrit Giorgio Meloni, po synon të mbledhë vota euroskeptike përpara zgjedhjeve evropiane të qershorit.

Senatori Claudio Borghi, i cili është kandidat në zgjedhjet e ardhshme të BE-së, tha se para zyrave duhet të jetë një trengjyrësh italian së bashku me flamujt e rajoneve të veçanta.

Ai bëri të ditur se do të paraqesë një projektligj për shfuqizimin e ligjit të vitit 1998, i cili kërkon që flamuri i BE-së të valojë në institucionet shtetërore.

Liga është pjesë e grupit të ekstremit të djathtë Identiteti dhe Demokracia (ID) në Parlamentin Evropian, i cili përfshin Tubimin Kombëtar të Francës (RN), Partinë e Lirisë së Austrisë (FPO) dhe partinë Alternativa për Gjermaninë (AfD).

Kjo parti fitoi 34 për qind të votave në zgjedhjet e BE-së, ndërsa sondazhet parashikojnë se në zgjedhjet e ardhshme nuk do të kalojë 9 për qind.

Vëllezërit e Italisë së Giorgio Melonit pritet të fitojnë rreth 27 për qind të votave, duke i bërë ata partinë më të spikatur të krahut të djathtë italian.

LEXONI GJITHASHTU:

• Arbëreshja nga Argjentina: Si u zhvendos familja nga Italia drejt Amerikës Latine
• Tensione në Itali, Salvini kundër Von der Leyen: Të dielën votojmë ne, jo Brukseli