Gazetari Berat Buzhala komentoi gjetjet e Barometrit në Euronews Albania lidhur me matjet e para politike për zgjedhjet e 11 majit në qarkun e Tiranës.
Buzhala tha se fakti që dy partitë e mëdha paraqiten më dobët në Tiranë se në nivel kombëtar lidhet me konkurrencën e fortë që po iu bëjnë partitë e vogla.
Sipas tij, këto zgjedhje mund të sjellin fillimin e fundit të dominimit politike të PD dhe PS dhe demokratizimin e skenës politike në Shqipëri.
Është një ndryshim i qartë, posaçërisht spektri i partive të reja… edhe PS dhe PD krahasuar me rangun kombëtar, PS është 3,9 për qind më dobët në Tiranë se në nivel kombëtar ndërsa PD është 3,2. Të pavendosurit në Tiranë janë shumë më shumë se niveli kombëtar, 5 për qind më shumë. Kemi partitë e reja që po konkurrojnë, duhet edhe një matje për të parë cili do të jetë fati i tyre se më këtë temp do kemi 3 parti të reja në kuvend; Lapaj, Shehaj dhe Qori që mund të jetë hera e parë qe kemi një depërtueshmëri. Unë pres, dua të besoj që këto të dhëna për tiranë do jenë pak më poshtë, të dhënat e të mëdhenjve. Partitë e reja po bëjnë një përpjekje spartane, rrjetet sociale janë më të forta tani se para 4 vjetësh. Besoj se do befasohemi për mirë dhe ky ishte fillimi i fundit të dominimit politik të PD dhe PS
