“Pas të shtunës lajme të mira”, Escobar: Pres rezultate pozitive në Ohër

I dërguari special i SHBA-së për Ballkanin Perëndimor, Gabriel Escobar tha se është shumë optimist për takimin e Ohrit mes Kurtit e Vuçiç.

Në konferencën e përbashkët për shtyp me presidenten Vjosa Osmani në Kosovë, Escobar u shpreh se plani evropian është një mundësi e jashtëzakonshme për zgjidhjen përfundimtare të konfliktit mes Kosovës dhe Serbisë.

“Ne kemi për qëllim të mbështesim plotësisht çdo rezultat që sjell paqen më afër rajonit dhe intensifikon mundësitë për Kosovën dhe Serbinë për t’u bërë pjesë e komunitetit euro-atlantik. Ky propozim jep një mundësi të madhe për paqe për të dyja vendet. Ne kemi synim që kjo të funksionojë për Kosovën por jo vetëm për Kosovën. Mirëpres rezultat pozitiv në Ohër. Jam shumë optimist për një zgjidhje paqësore. Dhe shpresoj se pas të shtunës do të kemi lajme të mira”, tha Escobar.

LEXONI GJITHASHTU:

• Osmani: Shpresë nga takimi në Ohër, Serbia mos të pengojë procesin e dialogut
• Escobar në Kosovë, pritet të takohet me përfaqësuesit e institucioneve