“Pashka, mesazh shprese për njerëzit,” pastori shpjegon kuptimin e ditës së veçantë

Festa e Pashkës ka sjellë me mijëra emigrantë nga Greqia drejt Korçës. Gazetari Xhensil Shkëmbi në një lidhje direkte për Euronews Albania tha se si po festohet kjo festë nga besimtarët ortodoksë në qytetin e Korçës.

Gjithashtu për të shpjeguar më qartë kuptimin e kësaj feste ai mori në intervistë pastorin Plator Çollaku.

“Pashka është mesazhi i shpresës. Ritualet dhe çdo gjë tjetër na bëjnë të humbasim kuptimin e pashkës. Pashka është një moment për të gjithë njerëzit për të reflektuar. Është festa e jetës, për të gjithë njerëzit që duan të kenë një marrëdhënie të drejtë me perëndinë dhe të njohin të vërtetën në një botë të errët si kjo e sotmja.

Pashka është e vetmja shpresë për të drejtuar sytë te perëndia dhe për të pasur më shumë shpresë ne jetën tonë. Pashka nuk është thjesht ritual, Pashka është perëndia, ndërhyn në historinë njerëzore nëpërmjet Krishtit duke i shprehur çdo njeriu dashurinë e tij!”,-tha pastori Plator Çollaku për Euronews Albania.

LEXONI GJITHASHTU:

• Udha e Kryqit, besimtarët ortodoksë në Korçë kryejnë ritin e shenjtë
• Pashka ortodokse në Greqi, qytetarët pak para për të shpenzuar për mishin e qengjit