Pasi vrau gruan preu damarët, publikohet fotot e çiftit amerikan në Shkodër

Në këto foto që shihni, është shtetasja amerikane S.S. me bashkëshortin e saj, i cili dyshohet se e ka vrarë atë në një banesë në qytetin e Shkodrës.

Çifti ishte nga Florida dhe ndodheshin për pushime në Shkodër.

Ngjarja ka ndodhur në një apartament të marrë me qira, në rrugën “At Shtjefën Gjeçovi”.

Turisti amerikan ka goditur me thikë partneren e tij, e cila ka gjetur vdekjen, ndërkohë që ai është dërguar me ambulancë në spital pasi ka pësuar dëmtime të lehta, në duar, nga mjeti prerës.

Policia e Shkodrës ka bërë të ditur se turisti ka qenë në gjendje të dehur.

“Rreth orës 10:15, në rrugën ‘At Shtjefën Gjeçovi’, në një banesë të marrë me qira, dyshohet se është vrarë me mjet prerës, shtetasja amerikane, S.S. Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjetet prerëse”, njofton policia.

LEXONI GJITHASHTU:

• VIDEO| I lyer me gjak, momenti i arrestimit të amerikanit që vrau gruan në Shkodër
• Detaje nga vrasja në Shkodër: Amerikani në gjendje të dehur qëlloi bashkëjetuesen