Pastrim parash me kullat? Bashkia Tiranë u përgjigjet akuzave

Nënkryetari i Bashkisë së Tiranës, Arbjan Mazniku u është përgjigjur akuzave të opozitës se është bërë pastrim parash me kullat.

I ftuar në emisionin “Now” në Euronews Albania, ai tha se janë emigrantët që blejnë apartamente me paratë e kursyera ndërsa shtoi se ka dhe një numër të lartë qytetarësh të huaj që blejnë shtëpi në kryeqytet.

Më tej ai tha se paratë e pista në sistem janë në nivel shumë të ulët.

“Raporti i cili e ngriti këtë debat para pak  muajsh ka një seri shifrash që unë mund t’ua faktoj dhe argumentoj se kemi të bëjmë me një problem të madh të shifrave. Në Shqipëri 33 deri në 35% e çdo ndërtimi shkon për pronarët e tokës. Pronarët e tokës futen bashkë aksionerë me zhvillimin. Në vitin 2019 nga lejet e ndërtimi, pronarët e tokës janë bërë 350 milionë euro më të pasur.

Ne në Shqipëri kemi 2 milionë emigrantë jashtë, ku secili prej nesh në familje ka një emigrant që ka vendosur një shtëpi në Tiranë ose në bregdet me paratë e kursyera.

Tregu shqiptar katër vitet e fundit ka filluar të aksesohet në mënyrë të qenësishme nga qytetarë jo shqiptarë. Në këtë analizë na del se paratë e papastra në sistem duke përdorur të njëjtën mekanizëm si ata janë shumë pak ose aspak”- tha ai.

LEXONI GJITHASHTU: 

• Pjesë 3 tonëshe e një rakete kineze do të bjerë nesër në tokë, por ende nuk dihet ku
• Zelensky i prerë: Unë nuk do të marr pjesë në G20 nëse Putini është i pranishëm
• Mazniku: Nuk jam dakord që Tirana po ‘kafshohet’, si qëndron e vërteta e kullave