PD depoziton në Gjykatën Kushtetuese kërkesën për shfuqizimin e Bordit të Ushqimeve

Ashtu siç kishte paralajmëruar më herët, Partia Demokratike ka depozituar sot zyrtarisht kërkesën ne kushtetuese për të shfuqizuar bordin e ngritur nga qeveria për përcaktimin e çmimeve të produkteve ushqimore.

Partia Demokratike kërkon shfuqizimin e bordit të ngritur nga qeveria për përcaktimin e çmimeve për produktet ushqimore.

29 deputetë demokratë kanë firmosur kërkesën që u dorëzua këtë fillim jave në Gjykatë Kushtetuese.

Deputeti Dashnor Sula e konsideroi bordin e ngritur si abuziv, që nuk përfaqëson interesat e qytetarëve.

“Unë bashkë me kolegët e PD kemi bërë përllogaritje dhe del që është 76.7% rritja e produkteve të shportës. Gati dyfishim”, tha deputeti demokrat.

Sula i bëri thirrje Gjykatës Kushtetuese që të marrë në shqyrtim me procedurë të përshpejtuar çështjen.

Më herët, Partia Demokratike depozitoi edhe kërkesë për shfuqizimin e Bordit të Transparencës për karburantet.

LEXONI GJITHASHTU:

• Ulet çmimi i naftës dhe benzinës, vendos Bordi i Transparencës
• Ministrja Ibrahimaj tregon se deri kur do të funksionojë Bordi i Transparencës