PD feston e ndarë themelimin, Alibeaj: Partia, jo repart sulmesh kundër Perëndimit

32-vjetori i themelimit të Partisë Demokratike e ka gjetur këtë forcë politike të ndarë. Dy grupimet brenda saj kanë zgjedhur ta kujtojë këtë ditë në organizime të ndryshme.

Njëra pjesë e partisë e drejtuar nga kreu i grupit parlamentar, Enkelejd Alibeaj u mblodh në orët e paradites. Në fjalën e tij, Alibeaj kishte edhe një mesazh për Sali Berishën.

“Çdo përpjekje për të vendosur interesa personale të cilat deformojnë identitetin e PD-së duke e kthyer atë nga një institucion i perëndimit në Shqipëri sic ka qenë, sic kemi dashur, sic kemi luftuar për të qenë i tillë për ta kthyer në një repart sulmesh kundër Perëndimit unë besoj që ky është një moment të cilin të gjithë të ndalemi dhe të kuptojmë realisht metamorfozën fatkeqe për të cilën disa Partinë Demokratike do duhet ta kthejnë”, tha Alibeaj.

Përmes rrjeteve sociale, këtë ditë e ka kujtuar edhe ish kryetari i Partisë Demokratike, Lulzim Basha dhe kryetari aktual Sali Berisha.

Ky i fundit së bashku me mbështetësit e tij kremtoi 32-vjetorin e themelimit të partisë me një aktivitet pasditen e së dielës.

LEXONI GJITHASHTU

• Gazetari-Luan Baçit: Të vendosi Basha në listë të sigurt, se nuk do ishte deputet

• Baçi: Opozita e Bashës nuk ishte e përgjumur, por e shitur
• ‘Rama e flaku si limon i shtrydhur’, Berisha flet për largimin e Yuri Kim-it