Partia Demokratike ka reaguar pas prezantimit nga Sali Berisha të kandidatit Ardian Muka për bashkinë Durrës si përfaqësues i koalicionit ‘Shtëpia e lirisë’.
Sipas PD, Berisha po manipulon demokratët me kandidatë që përfaqësojnë vetëm Ilir Metën dhe nuk kanë asnjë lidhje me Partinë Demokratike.
Çdo votë për këtë koalicion është votë për pazarin e radhës Meta-Rama, thuhet në deklaratën e PD.
“Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh më asgjë me PD, sado mashtrojnë duke përdorur emrin dhe simbolet e saj. Demokratët e dinë se si Ilir Meta ka përdorur pushtetin dhe votat e tyre për pazarin me Edi Ramën ne 2013-ën. Sot po bën të njëjtën gjë. Prandaj kush zgjedh Metën dhe Berishën, mban Ramën!”, theksohet në reagimin e PD.
LEXONI GJITHASHTU: