PD kërkesë Komisionit të Etikës: Shfuqizoni vendimin e Bardhit

Sekretari Ligjor i Partisë Demokratike, Indrit Sefa përmes një shkrese i ka kërkuar Komisionit të Etikës të shfuqizojë vendimin e Sekretarit të Përgjithshëm, Gazment Bardhi, i cili thirri mbledhjen e Këshillit Kombëtar të enjten.

Në shkresë thuhet se Bardhi nuk ka publikuar asnjë akt të tillë në llogaritë e tij publike, ndërsa anëtarët e Sekretariatit & Këshillit nuk janë njoftuar për marrjen pjesë dhe organizimin e kësaj mbledhje.

“Ekziston mundësia që ky vendim të jetë jo i vërtetë, por për aq kohë sa është një akt publik që mban vulën e Partisë Demokratike vlerësojmë t’ia nënshtrojmë gjykimit të Komisionit,” – shkruhet në dokument.

LEXONI GJITHASHTU:

• Përplasjet në PD| Bardhi mbledh Këshillin Kombëtar të enjten
• Çfarë po ndodh me vulën e PD? Bledian Koka: Kryesia e Bashës ka bërë shkelje penale