PD kërkon nga KQZ-ja t’i vihen në dispozicion pamjet filmike të çdo qendre votimi

Partia Demokratike e Shqipërisë ka kërkuar nga Komisioni Qendror i Zgjedhjeve, që t’i vendosë sa më shpejt në dispozicion të dhënat teknologjike që janë aplikuar në zgjedhjet e së dielës.

Në letrën që e disponon Euronews Albania, PD-ja ka kërkuar pamjet filmike të Qendrave të Votimit:

• Pamjet filmike të QV/KZAZ
• Pamjet filmike të kamerave regjistruese të fletëve të votimit të çdo KZAZ-je
• Të dhënat e grumbulluara nga pajisjet e identifikimit elektronik për çdo QV/KZAZ
• Të dhëna e kryqëzuara ndërmjet pajisjeve të identifikimit elektronik dhe listave të zgjedhësve të nënshkruar mekanikisht.

Letra mban datën e sotme dhe është firmosur nga Sekretari për Çështjet Zgjedhore të Partisë Demokratike Ivi Kaso.