PD kundër miratimit të paketës fiskale pa diskutim, Bardhi: E çojmë në Kushtetuese

Partia Demokratike ka kërkon që nesër në seancën plenare të mos miratohet paketa fiskale, pasi sipas tyre, deputetëve iu është dhënë vetëm 24 orë kohë për t’u njohur me të.

Kreu i grupit të PD, Gazment Bardhi tha në Konferencën e Kryetarëve se futja e paketës fiskale në kalendarin e seancës së nesërme është në shkelje të plotë të Kushtetutës.

“Keni futur në kalendar 8 ligje të paketës fiskale. I keni futur për seancën e nesërme, në shkelje të plotë të Kushtetutës. Këto ligje u janë dhënë deputetëve në datën 14 nëntor dhe kërkoni t’i miratoni nesër. Kjo është e papranueshme dhe hedh në erë çdo procedurë parlamentare. T’u lini vetëm 24 orë kohë për të diskutuar 8 ligje mund ta bëni vetëm ju, dhe nuk e di, Kryetar, kush ju shtyn ta bëni këtë. Po jua them këtu se kjo çështje do të shkojë në Gjykatën Kushtetuese”, tha Bardhi.

LEXONI GJITHASHTU:

• Foltorja e PD-së para Kryeministrisë, Gjoni: Qytetarët janë braktisur nga shteti
• Protesta e PD-së para Kryeministrisë, reagon Balla: Në Shkodër kaq i çojnë krushq