PD takime me Berlin, zbardhet axhenda e përfaqësuesve të opozitës

Përfaqësues të Partisë Demokratike po zhvillojnë takime në Berlin me institucione kyçe politike gjermane. Delegacioni i opozitës, i përbërë nga Kryetari i Grupit Parlamentar Gazment Bardhi, Kryetarja e Komisionit për të Drejtat e Njeriut Jorida Tabaku dhe Nënkryetari i Komisionit të Sigurisë Klevis Balliu, ka nisur që në mëngjes takime.

Takimi i parë është ai me Peter Beyer, drejtues i Grupit për Ballkanin Perëndimor në Bundestag dhe raporter për Shqipërinë, një figurë kyçe në vendimmarrjen gjermane për procesin e zgjerimit të BE-së.

Sipas axhendës së siguruar nga burime zyrtare, takimet e tjera janë të fokusuara në çështje kyçe të procesit të integrimit europian, përfshirë funksionimin e shtetit të së drejtës, luftën kundër korrupsionit dhe garantimin e zgjedhjeve të lira dhe të ndershme.

Axhenda përfshin takime me kryetarin e Komisionit për Europën Anton Hofreiter, kryetarin e Komisionit të Jashtëm Armin Laschet dhe kryetaren e Komisionit për të Drejtat e Njeriut Mechthild Heil.

Gjithashtu priten takime me anëtarin e strukturave për çështjet europiane dhe përfaqësues në Asamblenë Parlamentare të Këshillit të Europës Knut Abraham, deputetin e Bundestagut Tilman Kuban, zëdhënësin për politikën e jashtme Jurgen Hardt dhe ministrin e Shtetit për Europën në Ministrinë e Jashtme Federale, Gnther Krichbaum.

Një nga objektivat e këtyre takimeve është konsolidimi i saj si një aktor kyç në ndërtimin e një procesi më të besueshëm integrimi, duke sinjalizuar se është e gatshme të udhëheqë këtë proces mbi bazën e standardeve europiane.