PDK dhe LDK në rënie, publicistët tregojnë arsyet e “ndëshkimit” nga elektorati

Partitë politikë kanë pasur gjithmonë programe politike të njëjta, por më vonë shumë premtime që janë aty nuk i kanë zbatuar. Këtë do diskutojnë dhe publicistët Bujar Dugolli dhe Nexhmedin Spahiu në “Balkan Talks”.

“Qeveria e Kurtit filloi shumë mirë dhe përmbushën pritshmërinë e qytetarëve,  po ishte kohë e shkurtër për vlerësime të tjera dhe fillimi u vlerësua nga të gjithë edhe ndërkombëtarët. Ajo që ndodhi më pas shkaktoi humbje besimi nga qytetarët dhe ndërkombëtarët,” – shprehet z. Dugolli.

Edhe Nexhmedin Spahiu është i të njëjtit mendim se Kurti tregoi që ai nuk korruptohet.

“Albin Kurti ka qenë konsistent në premtimet e tij edhe pse 50 ditë s’ka pasur kohë ti vendos në jetë premtimet e tij. Ai nuk është i prirur nga korrupsioni dhe u pa gjatë 50 ditëve,”- thotë profesor Spahiu.

Në këtë fushatë nga sondazhet është vënë re një rënie e mbështetjes të dy forcave PDK dhe LDK-së. Publicistët tregojnë arsyet pse ka ndodhur kjo rënie.

“Po nuk flitet që do dalin në vendin e parë PDK dhe LDK, pasi sipas sondazheve kanë rënie, e cila vjen nga fakti se elektorati i tyre i ka kundërshtuar dhe kanë bërë fushatë kundër njëra-tjetrës të dyja. Ndodhi që partitë gjetën bashkëpunim, por jo elektorati dhe ka çuar te rënia e tyre dhe rritja e Vetëvendosjes. Unë mendoj se rezultati do jetë Vetëvendosja e para, PDK, LDK dhe AAK. Diferenca do jetë e madhe mes Vetëvendosjes dhe partive të tjera”, – rrëfen z. Dugolli.

“Edhe LDK dhe PDK e dinë që nuk do jenë të parat dhe janë mësuar të jenë në pushtet dhe secila do ftesën për koalicion nga Vetëvendosja, nëse s’ka numër të mjaftueshëm për president. Por Vetëvendosja nuk do i bëjë favor asnjë partie,” – thotë Nexhmedin Spahiu.