Pedagogia: Në shkollë të mesme të mësohet si përdoret Gjuha Shqipe

Pedagogia Natasha Poroçani, e ftuar në emisionin “Good Moorning Albanias” në Euronews Albania, u shpreh se sot ka një lloj analfabetizmi në mënyrën se si kuptohen tekstet.

Sipas saj qasja se si kuptohen tekstet është një problem shumë i madh, ndërsa theksoi se në shkollën e mesme nxënësit duhet të mësojnë se si përdoret gjuha shqipe pasi sipas saj kjo do ta luftonte analfabetizmin.

“Ka një lloj analfabetizmi në mënyrën se si kuptohen tekstet. Sot lexohet shumë, por puna është se si lexohet. Qasja ndaj një teksti është një problem shumë i madh.  Duhet të ndërtohen politika arsimore që të luftojnë këtë largim nga teksti i shkruar. Në këndvështrimin tim e gjithë kurrikula shkollore, duhet të reformohet në fokus të ri. Nxënësi nuk ka nevojë të mësoj në shkollë të mesme kohët e foljeve, por ka nevojë të mësojë gjuhën shqipe në kontekste të përdorimit. Nëse duhet të mësojmë gjuhë, të mësojmë si përdoret, dhe kjo do e luftonte këtë lloj analfabetizmi.”- shpreh.

LEXONI GJITHASHTU: 

• A është në rrezik Gjuha Shqipe?
• 33-vjeçari që modifikon mjetet për persona me aftësi të kufizuar: Lindi nga nevoja