Pekini nuk do të dërgojë armë në Rusi, thotë ambasadori kinez në SHBA

Ambasadori kinez në Shtetet e Bashkuara thotë se Kina nuk do të dërgojë armë dhe municione për të mbështetur luftën e Rusisë në Ukrainë.

Gang nënvizoi se Pekini “do të bëjë gjithçka për të de-përshkallëzuar krizën”.

Duke folur për transmetuesin amerikan CBS, Gang u ankua se dënimi publik nga Perëndimi “nuk ndihmon” dhe se duhej “diplomaci e mirë”.

Deklarata e ambasadorit vjen pasi Presidenti i SHBA Joe Biden paralajmëroi homologun e tij kinez Xi Jinping të premten se do të kishte “pasoja” nëse Pekini do t’i jepte mbështetje materiale Moskës.

Ushtria ruse vijon me sulmet në Ukrainë. Nga ana tjetër ushtria ukrainase është e vendosur për të mbrojtur vendin e saj.

Agjencia e Kombeve të Bashkuara për refugjatët njoftoi se 10 milionë ukrainas janë larguar tani nga shtëpitë e tyre për shkak të luftës,  pothuajse një e katërta e popullsisë.

LEXONI GJITHASHTU:

• Të premten Biden udhëton drejt Varshavës për luftën në Ukrainë
• Rusët rrethojnë qytetin e Mariupol-it, ukrainasit refuzojnë të dorëzohen