Peleshi: Forca Ajrore shqiptare hap dyert për pilotët e FSK

Forca Ajrore shqiptare ka hapur dyert për pilotët e Forcës së Sigurisë së Kosovës. Lajmin e ka bërë të ditur ministri i Mbrojtjes, Niko Peleshi.

Peleshi ka shpërndarë në Facebook disa foto ndërsa theksoi se pilotët e FSK-së do të ndjekin në Bazën Ajrore të Farkës programin e rifreskimit teorik dhe praktik të fluturimeve me helikopter, i detyrueshëm për ekuipazhet për të mbajtur reflekset e fluturimit.

“Forca Ajrore shqiptare hap dyert për pilotët e Forcës së Sigurisë së Kosovës. Pilotët e FSK-së do të ndjekin në Bazën Ajrore të Farkës programin e rifreskimit teorik dhe praktik të fluturimeve me helikopter, i detyrueshëm për ekuipazhet për të mbajtur reflekset e fluturimit”, shprehet Peleshi.