Peleshi në krye të Kuvendit: Përgjegjësi e madhe, institucioni duhet modernizuar

Niku Peleshi u propozua si kryetar Kuvendi nga kryeministri Edi Rama në Asamblenë e PS të mbajtur sot në Pallatin e Kongreseve.

Në një prononcim për mediat pas mbylljes së Asamblesë, Peleshi e cilësoi përgjegjësi shumë të madhe detyrën e caktua nisur dhe nga momenti historik ku ndodhet vendi në rrugëtimin evropian.

“Ishte një vlerësim shumë i madh edhe mbi të gjitha përgjegjësi, duke pasur parasysh që jemi në një segment historik të rrugëtimit të Shqipërisë në BE ku parlamenti duhet të disa fishojë punën e vet. Mund të them vetëm që koha e kërkon të ecim shumë më shpejt, dhe ritmit të qeverisë duhet t’i përgjigjet edhe një ritëm i shtuar i Kuvendit, siç po modernizohet jeta, edhe institucioni i kuvendit duhet të modernizohen. Do jap maksimumin e gjithë eksperiencës sime që çdo opozitë konstruktive të bëhet pjesë e këtij rrugëtimi, do bëj gjithçka që opozita të mos ketë asnjë pengesë institucionale”, tha Peleshi.

LEXONI GJITHASHTU:

• Për herë të parë një grua| Rama emëron Albana Koçiun ministre të Brendshme
• Rama kërkon hapjen e PS drejt demokratëve: S’na duhet më vota e tyre, por energjia