Rama kërkon hapjen e PS drejt demokratëve: S’na duhet më vota e tyre, por energjia

Kryeministri Edi Rama bëri thirrje për hapjen e Partisë Socialiste edhe drejt simpatizantëve dhe votuesve të Partisë Demokratike.

Gjatë fjalës së mbajtur në Asamblenë e PS, Rama tha se Partia Socialiste duhet të bëjë një hapje kapilare në të gjithë territorin drejt demokratëve. Ai shtoi se ky ndryshim nuk bëhet për vota, por për misionin e anëtarësimit në BE.

“Duhet të grihemi mbi vetveten dhe ta ngrejmë PS-në në nivelin e sfidës së një hapjeje kapilare ndaj njerëzve jashtë rrethit të familjes sonë të madhe. Ky është misioni ynë. Duke filluar nga demokratët, komuniteti i demokratëve në çdo territor, ku ka më shumë se asnjëherë njerëz që duan të na bashkohen. Ne sa i kemi fituar zgjedhjet dhe nuk na duhet më vota e tyre për të fituar, por dëshira dhe energjia e tyre për të punuar, dhe për të dhënë përmes punës së tyre një kontribut sado të vogël, dhe duke mbajtur ndershmërisht në punë veten dhe duke ushqyer familjen e tyre, në këtë kalim historik na duhet që çka me atë punë dhe ne do ta ndjejmë dobinë e kësaj hapjeje,” tha Rama.

LEXONI GJITHASHTU:

• Rama cakton Taulant Ballën si drejtues të grupit parlamentar të Partisë Socialiste
• Rama apel deputetëve të rinj: Nëse doni të qëndroni më shumë se një mandat…
• Edi Rama propozon Ogerta Manastirliun kandidate për bashkinë e Tiranës