Rama cakton Taulant Ballën si drejtues të grupit parlamentar të Partisë Socialiste

Kryeministri Edi Rama ka emëruar Taulant Ballën si kryetarin e grupit parlamentar të Partisë Socialiste.

Kujtojmë se detyrën e kreut të grupit parlamentar deri më tani e mbante Niko Peleshi, i cili u emërua nga Rama si Kryetari i ri i Kuvendit. Sakaq deputetja e Durrësit, Klodjana Spahiu, u emërua nënkryetare e Parlamentit.

Ndërkohë, Taulant Balla, mbante detyrën e Ministrit të Shtetit për Marrëdhëniet me Parlamentin. Ai tashmë do të rikthehet sërish në drejtimin e grupit parlamentar.

Rama e cilësoi Ballën si njeriun me eksperiencën e duhur për të drejtuar grupin e 83 deputetëve socialistë, prej të cilëve, 53 janë për herë të parë në parlament.

LEXONI GJITHASHTU:

• Rama apel deputetëve të rinj: Nëse doni të qëndroni më shumë se një mandat…
• Edi Rama propozon Ogerta Manastirliun kandidate për bashkinë e Tiranës