Pëlqyeshmëria e liderëve në Qarkun Tiranë, rezultatet e matjes së dytë të Barometrit

Barometri Euronews Albania ka sjellë për publikun matjet e dyta politike për Qarkun e Tiranës.

Në këto matje janë pyetur ballë për ballë 1000 qytetarë brenda qarkut, të shpërndarë sipas popullsisë në 5 bashkitë përbërëse.

Mbledhja e të dhënave është realizuar nga 22 Mars deri në 3 Prill 2025.

Qytetarët e Tiranës janë pyetur për pëlqyeshmërinë e 11 liderëve politikë që janë në garë për zgjedhjet e 11 majit sipas fletës zyrtare të KQZ.

Për Edi Ramën, në këto matje në qarkun e Tiranës janë 50,4 % e qytetarëve që kanë pëlqyeshmëri pozitive, i dyti renditet Sali Berisha me 31,9 %, të të anketuarve që kanë mendim pozitiv për të; i treti Agron Shehaj me 31,7 % të të anketuarve që kanë mendim pozitiv për të, i katërti Lapaj, me 29,7 % të mendimit pozitiv për të; Qori me 27,6 % mendim pozitiv për të.

Nga krahasimi me matjet e muajit shkurt 2025 në këtë matje të dytë të muajit mars, pëlqyeshmëria për Ramën është pak a shumë në të njëjtat nivele nga 50,3, në 50,4%; Berisha, 28.2% shkurt, 31.9% mars; Shehaj, 29.9% shkurt, 31.7% mars; Lapaj, 29.3% shkurt, 29.7% mars; Qori, 25.2% shkurt, 27.6% mars; Basha, 12.7% shkurt, 10% mars.

LEXONI GJITHASHTU:

• Kë do votojnë qytetarët e Tiranës në 11 Maj. Rezultati i Barometrit, matja e dytë
• Çfarë problemesh kanë qytetarët e Tiranës para 11 majit. Rezultatet e Barometrit