Pëlqyeshmëria për liderët| Idrizi: Të njëjtët njerëz kanë dominuar politikën 33 vite

Kryetari i Partisë Drejtësi Integrim dhe Unitet, Shpëtim Idrizi, është shprehur se liderët politikë të sotëm janë ata që kanë dominuar politikën shqiptare për 33 vitet e fundit.

Komentet Idrizi i bëri në emisionin “Barometri” në Euronews Albania, ku komentoi gjetjet e sondazhit lidhur me pëlqyeshmërine i liderëve politik.

Ai shtoi gjithashtu se pëlqyeshmëria e liderëve shkon paralelisht me pëlqyeshmërinë për partitë politike që ata drejtojnë.

“Duket sikur nuk ka ndryshuar asgjë që nga 2021, që nga 2017. Në njëfarë kuptimi 51-52% vërtitet PS dhe gjithë pjesa tjetër bashkë në ato shifra që krijohet ai ekuilibri.

Këtu ka një problematik shumë të madhe sipas meje, e para këtu janë ata lidera politikë që kanë dominuar jetën politike shqiptare prej 33 vitesh. Sigurisht që për të pasur një përqasje më të saktë për pëlyeshmërinë e tyre, do të ishte racionale të kuptoja përshembull që Edi Rama në raport me ekonominë, shëndetësinë, etj.

Këtu ka një antikap me demokracinë shqiptare dhe tranzicionin e tejzgjatur. Pra nga pikëpamja formale nuk më thonë gjë këto shifra, sepse edhe nga pikëpamja institucionale sheh fanellat e ekipeve. Pra pëlqyeshmëria e liderëve shkon paralel me partitë politike që ata drejtojnë”, tha Idrizi.

LEXONI GJITHASHTU:

• Ku e kanë pëlqyeshmërinë më të madhe liderët e rinj, tek të majtët apo të djathtët?
• Sondazhi për pëlqyeshmërinë e liderëve në Kosovë, Kurti pëson rënie