Pendarovski: S’do ketë drejtësi në RMV nëse nuk shohim gjykatës e prokurorë në burg

Presidenti i Maqedonisë së Veriut, Stevo Pendarovski kritikoi pushtetin gjyqësor, por edhe politikanët dhe institucionet tjera për praninë e lartë të korrupsionit në vend.

Gjatë fjalës së tij këtë të enjte, në fjalimin vjetor, Pendarovski tha para deputetëve se nuk do të ketë drejtësi, dersa janë të lirë gjyqtarë dhe prokurorë që marrin vendime skandaloze me motive korruptive.

Për Pendarovskin, e njëjta duhet të vlejë edhe për politikanët, që sipas tij janë shkaktarët e humbjes së besimit në organet e drejtësisë, shkruan REL.

“Nuk ka drejtësi nëse nuk ka politikanë aktualë në burg për korrupsion, por drejtësi nuk do të ketë derisa të jenë të lirë gjyqtarët dhe prokurorët që marrin vendime skandaloze që ndoshta fshihen pas motiveve korruptive. Shteti duhet t’i vendosë kriminelët në burgje të tipit të mbyllur pasi në të kundërtën ata do të vazhdojnë të përdorin paratë e vjedhura nga populli për tu paraqitur para qytetarëve si të ndershëm dhe të virtytshëm.

Nuk duhet të ketë vetëm arrestime për publikun, por dënime të gjata me burg dhe kthim të pasurisë së vjedhur. Por duhet respektohet edhe prezumimi i pafajësisë, të mos i dënojmë njerëzit në publik para se të jenë dënuar nga një gjykatë kompetente”, theksoi ai.

LEXONI GJITHASHTU

• Bie besimi te gjyqësori në Maqedoninë e Veriut
• 96 gra janë vrarë nga burrat në 12 vite në Maqedoninë e Veriut
• Nga nesër pritet ulje e çmimit të bukës në Maqedoni të Veriut