Peqin/ 89-vjeçari që nuk humb asnjë palë zgjedhje: Vota është detyrim qytetar

Në Njësinë Administrative Përparim të bashkisë Peqin, një nga votuesit më të vjetër është Arifi, 89 vjeç, i cili edhe këtë vit nuk mungoi në detyrën e tij qytetare, pavarësisht vështirësive shëndetësore.

I lindur në vitin 1935, Arifi ka qenë gjithmonë ndër të parët që është paraqitur në qendrën e votimit. “E bëja në këmbë herët e kaluara, madje vija i pari”, u shpreh ai, teksa këtë herë u shoqërua nga i biri me makinë, për shkak të gjendjes së përkeqësuar shëndetësore.

Për të, pjesëmarrja në zgjedhje është më shumë se një e drejtë, është një detyrim.

“Votoj gjithmonë. Vota është detyrim qytetar. Dilni dhe votoni sepse është detyrim”, tha ai.

Megjithatë, ai shpreh edhe një shqetësim të drejtë për votuesit e moshuar: “Duhet të na sjellin kutitë në shtëpi, në këtë moshë, nuk kemi pse dalim më.”

Kujtojmë që deri më tani, teksa një orë na ndan nga përfundimi i orarit zyrtar të votimit, 10749 votues ose gjithsej 37%, është pjesëmarrja në Peqin.

LEXONI GJTIHASHTU:

• PS kërkoi shtyrjen e orarit të votimit në Vlorë, KQZ merr vendimin
• Përplasja në Vorë, procedohet penalisht Flamur Noka