Për herë të parë shumica e serbëve janë kundër hyrjes në BE, tregon sondazhi

Për herë të parë në dy dekada, numri i serbëve që janë kundër anëtarësimit në BE është më i lartë se sa i atyre që janë pro, tregon një sondazh i fundit.

Sondazhi i organizuar nga Ipsos dhe publikuar në gazetën ‘Blic’, tregon se 44% e të pyeturve janë kundër hyrjes në unionin evropian.

Në mbështetje të procesit të integrimit janë shprehur  vetëm 35% e pjesëmarrësve.

Marko Uljarevic nga Ipsos i tha ‘Blic’ se kjo është hera e parë që numri i personave që janë kundër hyrje në BE i kalon ato që janë në favor.

Presidenti serb, Aleksandër Vuçiç thotë se të dhënat janë të ngjashme me ‘gjendjen’  në partinë e tij.

Serbia ka aplikuar për të hyrë në BE në 2009. Bisedimet nisën në 2014 por tensioni mes Serbisë dhe Kosovës ka ngadalësuar procesin.

Edhe pse po kërkon të bëhet pjesë e BE, Beogradi ka lidhje të ngushta me Moskën.

Analisti politik, Nemanja Todoroviç Stiplija, kryeredaktor i European Western Balkans shprehet skeptik për sondazhin.

Sipas tij është bërë për të matur efektin mbi një vendim të mundshëm për të sanksionuar Rusinë.

Sondazhi u publikua pak kohë pasi ministri i Brendshëm i Serbisë, Vulin, i cili tha se vendi duhet të rishikojë synimet për të hyrë në BE për shkak të presioneve të Perëndimit për të vendosur sanksione ndaj Rusisë.