Përdhunimi dhe vrasja e mjekes në spital ndezin protesta në Indi

Të premten herët në mëngjes, një mjeke praktikante 31-vjeçare u tërhoq për të fjetur në një sallë seminari pas një dite rraskapitëse në një nga spitalet më të vjetra të Indisë.

Ishte hera e fundit që ajo u pa e gjallë.

Të nesërmen në mëngjes, kolegët e saj zbuluan trupin e saj gjysmë të zhveshur në podium, me lëndime të mëdha.

Policia më vonë arrestoi një punëtor vullnetar të spitalit në lidhje me atë që ata thonë se është një rast përdhunimi dhe vrasjeje në Kolegjin Mjekësor 138-vjeçar në Kolkata.

Dhjetëra mijëra gra në Kalkuta dhe në të gjithë shtetin e Bengalit Perëndimor pritet të marrin pjesë në një marshim ‘Rikthimi i Natës’ në mesnatën e së mërkurës, duke kërkuar “pavarësinë për të jetuar në liri dhe pa frikë”.

Marshimi zhvillohet pak para Ditës së Pavarësisë së Indisë të enjten

Ngjarja tragjike ka hedhur sërish në qendër të vëmendjes dhunën ndaj mjekëve dhe infermierëve në vend.

Raportet e mjekëve, pavarësisht nga gjinia, të sulmuar nga pacientët dhe të afërmit e tyre kanë marrë vëmendje të gjerë.

Gratë – të cilat përbëjnë gati 30% të mjekëve të Indisë dhe 80% të stafit infermieror – janë më të cenueshme se kolegët e tyre meshkuj.