Përfaqësuesi i eksporteve bujqësore: Rënia e euros po na falimenton

Filip Gjoka, përfaqësues i eksporteve bujqësore ishte një nga personat që firmosi letrën dërguar Guvernatorit të bankës dhe qeverisë.

Bizneset prodhuese dhe eksportuese po përjetojnë një situatë të vështirë financiare nga zhvlerësimi i euros. Për këtë arsye, ata i kërkojnë Guvernatorit dhe qeverisë të marrin masa emergjente.

Gjoka tha se në rast se qeveria nuk do të marrë masat, do të dëmtojë bizneset që merren me eksportin e produkteve të ndryshme.

“Rënia e fortë e euros për ne eksportuesit do të thotë që, e gjithë kostoja e blerjes së lëndës së parë është me lek, të gjitha kostot e tjera, energji, fuqi punëtore dhe shpenzime të ndryshme që ka një produkt për të dalë në eksport janë të gjitha me lek dhe ne shitjet i kemi me euro dhe një pjesë e jona e eksporteve me dollarë, zhvlerësimi i këtyre të fundit, por sidomos i euros na ul të ardhurat shumë,” – u shpreh Gjoka.

Ai tha se kjo sjell një problem të madh pasi duke kërkuar të rrisin çmimet, partnerët e huaj nuk do të jenë të gatshëm për një rritje çmimi tjetër. Rrjedhimisht kjo do të sjellë humbje.

LEXONI GJITHASHTU:

• Eksperti: Euro do të vijojë rënien deri në fund të fushatës
• “Merrni masa për euron”- Bizneset letër BSH dhe qeverisë: Po falimentojmë