Emisioni RinVote i kësaj të premteje iu kushtua bashkisë Korçë. Nga mazhoranca përfaqësimi është me nënkryetaren e bashkisë, Benila Themeli ndërsa nga opozita në studio nuk ka pasur një përfaqësues.

Moderatorja e emisionin Bruna Çifligu tha se me gjithë këmbënguljen asnjë përfaqësues lokal i PD zyrtare apo grupimi të Berishës nuk kanë pranuar të jenë para të rinjve në emision.

“Stafi i emisionit ka kontaktuar me të dyja PD, atë zyrtarë dhe atë të grupimit të Berishës të niveleve lokale dhe askush nuk ka pranuar të vijë në këtë përballje me të rinjtë për problemet e bashkisë së Korçës dhe zgjidhja që ata propozojnë për problemet që shqetësojnë qytetarët. Ky është një format tashmë i konsoliduar prej disa sezonesh në Euronews Albania ku të rinjtë pyesin përfaqësuesit vendorë. Gjatë këtij sezoni jemi përballur me refuzimin e vazhdueshëm nga përfaqësues të opozitës, gjithsesi ne do vazhdojmë misionin tonë që zëri i të rinjve të vazhdojë të dëgjohet”, tha moderatorja.

LEXONI GJITHASHTU:

• Nënkryetarja e bashkisë Korçë konfirmon: Ja kush do jetë kandidati i PS në 14 maj
• Gazetari: Dy kandidaturat e Alibeajt tregojnë se PD po largon berishizmin